Tugas Bhs Jawa

Assalamu’alaikum Wr. Wb.

Wilujeng siyang kagem sedayanipun. Bapak Pangarsa Pawiyatan Menengah Pertama Negeri 4 Surakarta ingkang kinurmatan, Bapak tuwin Ibu Dwija SMPN 4 Surakarta, sarta sedaya sedherek sepuh kelas IX lan kanca kelas VII tuwin VIII ingkang kula tresnani.

Langkung rumiyin, sumangga kula panjenegan sedaya muji syukur dhumateng ngarsanipun Gusti Allah ingkang sampun paring rahmat sarta hidayahipun, pramila kita saged wonten ngriki saperlu mahargya perpisahan kelas IX siswa-siswi SMPN 4 Surakarta kanthi sehat wal afiat.

Boten kraos sampun tigang warsa kula sakanca sami sinau wonten ngriki. Kula sampun pikantuk piwucal lan tuntutan ingkang kathah. Pramila, wonten kalodhangan punika, kula sakanca badhe ngaturaken punuwun dhumateng Bapa tuwin Ibu Dwija ingkang kanthi sabar sampun paring piwucal lan tuntutan. Mugi- mugi kesaenan Bapa tuwin Ibu Dwija pikantuk piwales saking Gusti Allah.

Boten kesupen ugi kula sakanca nyuwun pangapunten menawi wonten ngriki kathah kalepatan lan tindak tanduk ingkang boten sae.

Mugi- mugi kanthi donga pangestipun saking Bapa tuwin Ibu Dwija, kula sakanca saged pikantuk sekolah ingkang jumbuh kaliyan pilihan kula sakanca lan saged mujudaken punapa ingkang dados gegayuhan kula.

Sarta kangge adhik- adhik kelas VII tuwin VIII sinaunipun ugi dipuntingkataken supados pikantuk biji ingkang sae, sarta saged lulus ugi kanthi biji ingkang sae.

Mekaten atur kula. Menawi wonten kalepatan atur, kula nyuwun pangapunten.

Wassalamu’alaikum Wr. Wb.